Elordanyń «Jaǵalaý» shaǵyn aýdanynda úlken oıyn-saýyq kesheni salynady
NUR-SULTAN. QazAqparat - Elordanyń «Jaǵalaý» shaǵyn aýdanynda úlken oıyn-saýyq kesheni salynady. Bul týraly Nur-Sultan qalasy Esil aýdanynyń ákimi Berik Jákenov aıtty, dep habarlaıdy QazAqparat tilshisi.
Facebook-tegi Astananyń adaldyq alańy paraqshasynda ótken onlaın brıfıng barysynda aýdan ákimi «Jaǵalaý» shaǵyn aýdanynan bastaý alatyn Shyńǵys Aıtmatov kóshesiniń jalǵasy qashan salynyp bitetinin aıtty.
«Uly dala dańǵylyna deıin sozylatyn Shyǵys Aıtmatov kóshesiniń merdigeri - Qulager kompanııasy. Olar osy qurylys maýsymynda jumysty aıaqtaýy tıis. Sebebi atalǵan aýmaqqa iri ınvestor keletin bolady», - dedi ol.
Sonymen qatar ol «Jaǵalaý» shaǵyn aýdany, Shyńǵys Aıtmatov kóshesiniń boıy qaladaǵy tirshiligi qaýyrt jaqsy aımaqtyń birine aınalatyndyǵyn aıtty.
«Komıssııa quramynda bolǵan edim. Investorlar ol jerde úlken oıyn-saýyq ortalyǵyn salǵylary keledi. Turǵyndar da sol jerge qoǵamdyq keńes ornalastyrýǵa qoldaý kórsetip otyr. Jaqsy oıyn-saýyq kesheni salynady», - dedi Berik Jákenov.
