Elordanyń úzdik ustazdary marapattaldy
NUR-SULTAN. QazAqparat - M.Ótemisuly atyndaǵy Oqýshylar saraıynda bilim salasynyń qyzmetkerleriniń kásibı merekesine arnalǵan saltanatty jıyn ótti, dep habarlaıdy elorda ákimdiginiń resmı saıty.
Bilim men tárbıe salasynda kórsetken joǵary jetistikteri úshin elordanyń úzdik ustazdaryna arnalǵan merekelik sharaǵa Nur-Sultan qalasy Bilim basqarmasynyń basshysy Ánýar Janǵozın qatysty. Basqarma basshysy ustazdar qaýymyn kásibı merekelerimen quttyqtap, jyly lebizin bildirdi. Kásibı mereke qarsańynda elordanyń 200-den asa muǵalimi QR Bilim jáne ǵylym mınıstrliginiń Qurmet gramotalarymen, Alǵys hattarymen marapattalady.
Aıta keteıik, muǵalimder men pedagogıka salasyna eńbegi sińgen ardager ustazdardyń esimi «Elordalyq bilimniń altyn qory» atty kitapqa enetin boldy.
Ustazdar qaýymyna arnalǵan saltanatty shara QR eńbegi sińgen qaıratkeri Ardaq Balajanova men saksafonshy Erjan Dúısenbın, Qazaq Ulttyq horeografııa akademııasy ártisteriniń, M.Ótemisuly atyndaǵy oqýshylar saraıynyń balalar shyǵarmashylyq ujymynyń kontserttik baǵdarlamasyna ulasty.
