Elordanyń úzdik sportshylary marapattaldy
Іs-shara qonaqtary qatarynda Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Samat Erǵalıev, álemniń 4 dúrkin rekordshysy, sonymen qatar qazaqtyń áıgili palýandary Qajymuqan Muńaıtpasov pen Balýan Sholaqtyń dástúrin jalǵastyrýshy, gir sportynan sport sheberine úmitker Sergeı Tsyrýlnıkov, Nur-Sultan qalasynyń trıatlon federatsııasy prezıdenti Erjan Birjanov boldy.
Sondaı-aq, elimizdiń tanymal sportshylarymen Dene shynyqtyrý jáne sport basqarmasy basshysy Samat Jylqybaev qatysty.
«Nur-Sultan qalasy Dene shynyqtyrý jáne sport basqarmasynyń uıymdastyrýymen 2021 jyldyń qorytyndysy boıynsha úzdik sportshylar men sport qyzmetkerlerin marapattaý rásimine qosh keldińizder! Memleket basshysy Qasym-Jomart Kemeluly Qazaqstan halqyna Joldaýynda buqaralyq sportqa basa mán berýimiz kerek degen bolatyn. Osy tapsyrmany oryndaý maqsatynda búgingi tańda birqatar jumys qolǵa alyndy. Búgingi úzdikter sol jetistikterdiń dáleli. Kelesi jylda bizdiń sportymyz úshin jemisti jyl bolady degen senimdemiz.
Barshańyzdy Táýelsizdiktiń 30 jyldyǵymyen quttyqtaımyn! Egemen elimiz órkendeı bersin! Sportshylarymyz kók baıraǵymyzdy bıikte jelbiretip, ánuranymyzdy asqaqtata bergeı! Jeńisti kúnderimiz kóp bolsyn!» - dedi MSM Sport jáne dene shynyqtyrý isteri komıtetiniń tóraǵasy Samat Erǵalıev.
Bıylǵy jyl qorytyndysy boı̆ynsha Olımpıadalyq, olımpıadalyq emes sport túrlerinen damytý dırektsııalary sportshylary men jattyqtyrýshylary qala ákimi Altaı̆ Kólginovtiń Alǵys hatymen marapattaldy.
Sonymen qatar, basqarmaǵa qarasty mekemeler arasynda «Úzdik mekeme», «Úzdik basshy», «Úzdik basshy orynbasary», «Úzdik ádisker», «Úzdik esepshi», «Úzdik kadr mamany», «Úzdik jattyqtyrýshy», «Úzdik zańger», «Úzdik baspasóz hatshysy», «Jyl qyzmetkeri», «Úzdik sportshy», «Úzdik dáriger», «Úzdik psıholog» jáne «Úzdik dızaıner» atalymdary boı̆ynsha 14 arnaı̆y júlde tabystaldy.
Al jyldyń «Úzdik mekemesi» atalymyn Sportty olımpıadalyq emes túrleri boıynsha damytý dırektsııasy jeńip aldy.
«Osy jylǵy jyl qorytyndysy boıynsha Úzdik basshynyń orynbasary» júldesi maǵan buıyrdy. Men ózim «Sportty olımpıadalyq túrleri boıynsha damytý dırektsııasynda» qyzmet etemin. Óte qýanyshtymyn. Bul tek meniń jeńisim emes barlyq ujymnyń jeńisi dep esepteımin. Eńbegimizdiń baǵalanǵanyna alǵysym sheksiz» - dedi «úzdik basshy orynbasary» Lola Toqtamuratqyzy.
Merekelik is-shara barysynda jyldyń úzdikterine arnap kontserttik baǵdarlama uıymdastyryldy.
