Elordanyń úzdik rámizderin jasaý boıynsha shyǵarmashylyq baıqaý jarııalandy
NUR-SULTAN. QazAqparat - Elorda kúnin merekeleý qarsańynda Nur-Sultan qalasynyń ákimdigi qala ánurany, elorda týraly eń úzdik án, sondaı-aq Qazaqstan astanasynyń logotıpi men uranynyń eń úzdik brendbýgin jasaý boıynsha shyǵarmashylyq baıqaý jarııalaıdy, dep habarlaıdy astana.kz.
Bul baıqaý patrıotızm sezimin tárbıeleý, qalanyń úzdik rámizderin jasaý, sondaı-aq ulttyq ónerdi odan ári damytý jáne ony keńinen nasıhattaý maqsatynda ótkiziledi.
Óz jumystaryn kásibı jáne áýesqoı kompozıtorlar men aqyndar, mýzykalyq jáne shyǵarmashylyq toptar, dızaınerler, sýretshiler, sondaı-aq respýblıkanyń turǵyndary men qala turǵyndary jibere alady.
Baıqaý 2019 jylǵy 27 mamyrdan 24 maýsymǵa deıin júrgiziledi. Ánder kez kelgen janrda jáne ártúrli oryndaýshylar úshin jazylýy múmkin. Baıqaýǵa qatysqysy keletinder Nur-Sultan qalasynyń Qoǵamdyq damý isteri basqarmasyna 2019 jyldyń 24 maýsymynan keshiktirmeı myna materıaldardy tapsyrýlary kerek: 1. Toltyrylǵan ótinim. 2. CD-formatynda aldyn ala tańdaý úshin jumystyń aýdıo jazbasy. 3. Brend kitapshasynyń eskızderi (nobaı A4, A3 qaǵazynyń qalyń paraǵyna jazylýy tıis) 4. Shyǵarmashylyqty sıpattaıtyn túsindirme jazba. Baıqaýǵa baǵyttalǵan ánder buryn jarııalanbaýy kerek jáne respýblıkanyń astanasyna joǵary rýhanılyq, otansúıgishtik, mahabbat pen maqtanysh ıdeıalaryn ustanýy qajet.
Qazylar alqasy belgili kompozıtorlardan, aqyndardan, sýretshilerden, dızaınerlerden jáne uıymdastyrý komıtetiniń múshelerinen turady. Árbir baıqaýdyń jeńimpazy dıplommen jáne 3 000 000 teńge aqshalaı syılyqpen marapattalady.
Qujattar kelesi mekenjaı boıynsha qabyldanady: Beıbitshilik kóshesi, 11, 535 keńse, tel .: 55-67-19.
