Elordanyń úzdik oqýshylary arasyndaǵy saıystyń qorytyndysy shyǵaryldy

ASTANA. 22 qarasha. QazAqparat - QR Tuńǵysh Prezıdentiniń kúnin atap ótý qarsańynda elordalyq mektepterdiń kóshbasshy oqýshylary arasynda saıys bastaldy. І kezeńge Astana qalasy bilim mekemelerinen 268 úmitker qatysty. Sonyń ishinde 10-11 synyptan 221 oqýshy, kolledjderden І, ІІ kýrstyń 47 stýdenti qatysty. Bul týraly Astana qalasynyń resmı saıty habarlady.

Aqtyq synǵa 10 qatysýshy ótti. Saıystyń qorytyndysy boıynsha elordalyq bilim berý mekemeleriniń kóshbasshylarynyń ishinde № 50 mektep lıtseıdiń 10 synyp oqýshysy Nazgúl Dúsembaeva úzdik atandy. Nazgúl «Kóshbasshy-oqýshy» dıplomymen marapattalyp, noýtbýk pen Anglııaǵa joldama aldy. Basqa da jeńimpazdarǵa túrli atalymdar boıynsha syılyqtar berildi.

Atap aıtqanda, «Alǵyr» atalymynda №40 orta mekteptiń 10-synyp oqýshysy Jaqyp Madııar, «Tapqyr» atalymynda №4 mektep-gımnazııasynyń 10-synyp oqýshysy Baltabaı Raıhan dıplommen marapattaldy. №9 «Zerde» daryndy balalar mektebiniń 10 synyp oqýshysy Ábdikarimova Mánshúk «Parasat» atalymynda kósh bastady. «Zııatker» atalymynyń dıplomymen №64 mektep-lıtseıiniń 10-synyp oqýshysy Saltabekova Erkejan marapattaldy. «Jeńiske qushtarlyq» atalymynda M.Tynyshbaev atyndaǵy kólik jáne kommýnıkatsııa kolledjiniń 2-kýrs stýdenti Qudaıbergen Aıda marapattaldy. «Qyran» atalymynda №38 mektep-lıtseıiniń 10- synyp oqýshysy Aımaǵanbet Shyńǵysqa dıplom berildi. №6 gımnazııanyń 11-synyp oqýshysy Tıhomırova Darıa «Kórermen kózaıymy» atandy. «Bilikti» atalymynda №70 mektep-lıtseıdiń 11-synyp oqýshysy Ábdishúkir Ulan marapattaldy. № 60 mektep-lıtseıiniń 10- synyp oqýshysy Chıjık Tımýr «Daryn» atalymynyń dıplomyn aldy.