Elordanyń ýchaskelik polıtseıi halyqaralyq izdeýde júrgen qyrǵyz azamatyn ustady
NUR-SULTAN. QazAqparat – Qyzmet kórsetiletin ákimshilik ýchaskelerdegi quqyq buzýshylyqtardyń aldyn alý sharalaryn kúsheıtý maqsatynda elordalyq polıtsııa departamentiniń qyzmetkerleri árbir ákimshilik ýchaskede jumys júrgizýde, dep habarlaıdy QazAqparat qalalyq Polıtsııa departamentiniń baspasóz qyzmetine silteme jasap.
Sonymen, tekserý barysynda «Saryarqa» aýdany polıtsııa bóliminiń ýchaskelik ınspektory polıtsııa kapıtany Erbolat Myńbaev Jeńis dańǵylynda kúdik týdyrǵan azamatty toqtatyp, qujattarynyń joq ekenin anyqtaǵan. Sonymen qatar, er adamnyń belgili bir turǵylyqty jeri bolmaǵan. Onyń kim ekenin anyqtaý jáne qosymsha aqparat alý úshin er adam Nur-Sultan qalasy Polıtsııa departamentine jetkizildi. Tergeý barysynda 1983 jyly týǵan er adamnyń Qyrǵyz Respýblıkasynyń azamaty ekeni jáne 2013 jyldan beri halyqaralyq izdeýde júrgeni anyqtaldy.
Nur-Sultan qalasy Polıtsııa departamentiniń qabyldaý-bólý bóliminiń bastyǵy polıtsııa polkovnıgi Asqar Tórekenovtiń aıtýynsha, ustalǵan adam ózi týraly jalǵan málimetter bergen. Arnaıy júrgizilgen jumystary barysynda ustalǵan azamattyń kim ekeni anyqtaldy.
Jedel aldyn alý sharalary júrgizilgen tórt kún ishinde ýchaskelik polıtsııa ınspektorlary 713 ákimshilik quqyq buzýshylyq faktisin anyqtady. Olardyń qatarynda qoǵamdyq oryndarda ishimdik ishý, usaq buzaqylyq, otbasylyq-turmystyq ómirdegi zańǵa qarsy áreketter, páter ıeleriniń azamattardy zańsyz tirkeýi jáne basqa da quqyq buzýshylyq faktileri bar. Sondaı-aq ýchaskelik ınspektorlar qyzmet kórsetiletin aýmaqtarda 5 myńnan astam turǵyn úı jaılaryn jáne kóp qabatty úılerdi aralap shyqty. Sonymen qatar, polıtsııa 530 azamattyq qarý ıesin saqtaý zańdylyǵy men tirkeý merzimin buzǵanyn anyqtady.
