Elordanyń turmysy tómen azamattaryna azyq-túlik satyp alý úshin arnaıy karta beriledi

NUR-SULTAN. QazAqparat – Kúzde elordada áleýmettik az qamtylǵan otbasylarǵa sýpermarketterden azyq-túlik satyp alýǵa arnalǵan áleýmettik kartalar berledi. Bul týraly bas shahardyń kásipkerlerimen kezdesken Nur-Sultan qalasynyń ákimi Altaı Kólginov málim etti, dep habarlaıdy QazAqparat tilshisi.

Qala basshysynyń sózinshe, elorda ákimdigi iri «Magným» sýpermarketter jelisimen áleýmettik mańyzy bar azyq-túlik ónimderiniń baǵasyn turaqty ustap turý boıynsha jumys isteıdi.

«Áleýmettik karta jobasyn pılottyq rejımde iske qosqymyz keledi. ıAǵnı, biz sýbsıdııalaıtyn azyq-túlikter áleýmettik osal topqa jatatyn azamattardyń qolyna tııýi tıis. Áleýmettik kartalardy shyǵaryp, jobany kúzde pılottyq rejımde bastaımyz», - dep josparlarymen bólisti Altaı Kólginov.

Eske salaıyq, bul ýaqytqa deıin áleýmettik mańyzy bar azyq-túlik bir jylda 18,1% qymbattaǵanyn jazǵan edik.