Elordanyń Turǵyn úı ortalyǵyna onlaın rejımde qalaı júginýge bolady
NUR-SULTAN. QazAqparat - Nur-Sultan qalasynyń Turǵyn úı ortalyǵynda qoljetimdi baspana týraly tolyq málimet pen mamandardyń keńesin alýǵa bolady, dep habarlaıdy QazAqparat ákimdiktiń resmı saıtyna silteme jasap.
Sondaı-aq ortalyqqa ınternet-resýrstar arqyly onlaın júginý múmkindigi qarastyrylǵan.
Turǵyn úı ortalyǵy 2020 jyldyń kúzinde Respýblıka dańǵyly, 32 mekenjaıynda ashylǵan bolatyn. Munda turǵyn úı salasyndaǵy barlyq qyzmet túri kórsetiledi. Qala turǵyndary baspana alý úshin kezekke turý, kezek nómiri, túrli turǵyn úı baǵdarlamalarynyń tetikteri jáne ózge málimetti bile alady.
Elorda turǵyndaryna yńǵaıly bolý úshin Turǵyn úı ortalyǵynyń ınternet-resýrstary qoljetimdi, solar arqyly mamandardyń kómegine onlaın júginýge bolady:
- mobıldik qosymsha: zhilfond Nur-Sultan;
- saıt: zhilfond.kz, (onlaın keńes berý, dırektordyń blogyna júginý), zhil-astana.kz.
- Instagram-daǵy resmı akkaýnttar: zhilfond_nursultan, upravlenie.zhilya;
- Facebook: Nur-Sultan qalasynyń Turǵyn úı qory;
Keńes alýǵa bolatyn WhatsApp nómirleri:
8-776-198-29-70 – kezekke qoıý, turǵyn úı baǵdarlamalaryn iske asyrý;
8-705-470 90-12 – turǵyn úı jaldaý sharttaryn qaıta jasasý;
8-776-340-54-12 – turǵyn úıdi jaldaý sharttary boıynsha bereshektiń bolýy/bolmaýy týraly anyqtama alý;
MIB / Jaı seriktestik qurý máseleleri boıynsha:
8-775-512-52-52 – Almaty aýdanynyń turǵyn úı ınspektsııasy;
8-775-526-33-41 – Baıqońyr aýdanynyń turǵyn úı ınspektsııasy;
8-701-509-02-97 – Esil aýdanynyń turǵyn úı ınspektsııasy;
8-702-609-60-60 – Saryarqa aýdanynyń turǵyn úı ınspektsııasy.
