Elordanyń turǵyn úı-kommýnaldyq sharýashylyqty jańǵyrtý baǵdarlamasy aıasynda jańǵyrtylǵan turǵyn úıdiń ashylý rásimi ótedi

ASTANA. 28 qazan. QazAqparat - Erteń elordanyń Esil aýdanynda turǵyn úı-kommýnaldyq sharýashylyqty jańǵyrtý baǵdarlamasy aıasynda jańǵyrtylǵan turǵyn úıdiń ashylý rásimi ótedi, dep habarlady «Báıterek» halyqaralyq aqparat ortalyǵy.

Oǵan Esil aýdanynyń ákimi Qaırat Jańabergenov jáne qalalyq ákimdiktiń ókilderi qatysady. Іs-shara aıasynda kontserttik baǵdarlamalar usynylyp, soǵys, eńbek ardagerlerine, kóp balaly analarǵa jáne belsendi turǵyndarǵa baǵaly syılyqtar tabys etilip, balalar sýretiniń baıqaýy uıymdastyrylady.

Aıta keteıik, turǵyn úı-kommýnaldyq sharýashylyqty jańǵyrtý baǵdarlamasy Elbasy N.Nazarbaevtyń 2011 jylǵy «Bolashaqtyń irgesin birge qalaımyz!» atty Qazaqstan halqyna arnalǵan Joldaýynda usynylǵan bolatyn. Ol turǵyn úı jaǵdaıyn jaqsartýǵa jáne azamattardyń óz múlkin saqtaýdaǵy jaýapkershiligin kóterýge múmkindik beredi.