Elordanyń turǵyn úı aýlalarynda avtokóliktiń júrginshilerdi qaǵyp ketý oqıǵasy jıi kezdesýde

dep habarlady jol polıtsııasy basqarmasynyń baspasóz qyzmetinen.

Atalǵan vedomstvonyń taratqan aqparatyna sáıkes, osy aıdyń basynan beri elordada 6 jol-kólik oqıǵasy tirkelip, onyń saldarynan 6 adam túrli dene jaraqattaryna alsa, 1 adam qaza tapqan. Sonymen qatar baspasóz qyzmetiniń atap ótýinshe, sońǵy ýaqytta úılerdiń aýlalarynda júrginshilerdi qaǵyp ketý oqıǵasy da jıilep ketken.

Máselen, shildeniń 5-i kúni keshki saǵat 19-00-diń shamasynda Lexus RX 300 kóliginiń júrgizýshisi, áıel azamatsha Kúıshi Dına kóshesindegi №15 úıdiń aýlasyna kirip bara jatyp, jol jıeginde ketip bara jatqan 4 jastaǵy balany qaǵyp ketken. Aýyr jaraqatpen aýrýhanaǵa jetkizilgen sábı esin jımastan qaza tapty.

Sondaı-aq shildeniń 3-i men 6-sy aralyǵyndaǵy mereke kúnderi polıtseılerdiń jol qozǵalysyn jiti qadaǵalaýynyń nátıjesinde 1096 túrli jol erejelerin buzýshylyq anyqtaldy. 43 júrgizýshi avtokólikti mas kúıinde júrgizgeni úshin ustalsa, mashınasyn belgilengen jyldamdyqtan asyra aıdaǵany úshin 286 azamat ákimshilik jaýapkershilikke tartyldy. Sonymen qatar 25 azamat kólikti qujatsyz júrgizse, taǵy 29-na uıaly telefondy paıdalanǵany úshin ákimshilik hattama toltyryldy, 61 avtomashına aıypturaqqa qoıyldy.