Elordanyń turǵyn úı alaptarynda qoqys jınaýǵa arnalǵan 580 konteıner ornatyldy
NUR-SULTAN. QazAqparat - Qala shetinde turmystyq qatty qaldyqtardy turaqty shyǵarýǵa jaǵdaı jasaý maqsatynda konteınerler sanyn kóbeıtý jumystary jalǵasýda. Bıyl elordanyń Qorshaǵan ortany qorǵaý jáne tabıǵatty paıdalaný basqarmasy bir tekshe metr kóleminde 613 myryshtalǵan konteıner satyp aldy, dep habarlaıdy Nur-Sultan ákimdiginiń resmı saıty.
Qazir aýdan ákimdikteriniń ótinimderi men qala turǵyndarynyń ótinishterine sáıkes Kóktal 1, Kóktal 2, Lesozavod, Úrker, Ońtústik-Shyǵys, Qazqalashyq, Temirjolshylar eldi mekenderinde, sol sııaqty Tehnıkým, Krıstall, Kolledj jańa turǵyn úı keshenderinde 580 konteıner ornatyldy.
Myryshtalǵan konteınerlerdiń artyqshylyǵy – ózgelerine qaraǵandy shydamdyraq, sondaı-aq jınalǵan suıyqtyqty tógetin tesikpen jabdyqtalǵan. Bul onyń shydamdylyq ýaqytyn uzartyp qana qoımaıdy, sonymen qatar keıingi gıgıenalyq tazalaý kezinde de jumysty jeńildetedi.
Konteınerlerdiń bul túri tamaq qaldyqtaryn, jeke gıgıena quraldaryn, aǵash, toqyma jáne qaıta óńdeýge jatpaıtyn basqa da qaldyqtardy jınaýǵa arnalǵan.
Elorda turǵyndary QTQ jınaý jáne konteınerlerdiń saqtalýy problemasyna jaýapkershilikpen qaraýy qajet. Onyń ishinde sóndirilmegen sirińkelerdi, temeki tuqyldaryn jáne basqa da janyp jatqan zattardy tastaýǵa, konteınerlerdiń ishinde, sondaı-aq ydystardyń ózinde kezdeısoq janýǵa ákep soǵýy múmkin janǵysh jáne tez tutanatyn suıyqtyqtardy, turmystyq, ónerkásiptik jáne avtomobıl hımııasyn tógýge bolmaıdy.
