Elordanyń túngi jaryqtandyrylýyna kún saıyn 67 myń kVt/s elektr energııasy jumsalady
ASTANA. QazAqparat - Qalalardyń túngi jaryqtandyrylýy fýnktsıonaldy jáne estetıkalyq túrde bolýy qajet. Astana kósheleriniń túngi kórinisi de jaryqtandyrýǵa baılanysty.
Elordanyń túngi kórinisi kóz súısinerlik deýge tolyq negiz bar ekenin barshy turǵyndar aıǵaqtaıdy.
Túngi jaryqtandyrý jumystaryn 2003 jyly qurylǵan «Astana qalalyq jaryq» kompanııasy júzege asyrady. Atalmysh mekeme kóshe jaryqtandyrýyna arnalǵan júıelerdi tehnıkalyq qamtamasyz etedi.
Búgingi tańda Astana qalasynda 50 myń jaryq núktesi ornalastyrylǵan: olardyń 30 myńy jol boıynda ornalasqan jáne uzyndyǵy 10 metrdi qurasa, qalǵan 20 myńy saıabaqtar men gúlzarlardy jaryqtandyrady. Kúndelikti Astananyń túngi jaryqtandyrylýyna 67 myń kVt/s elektr qýaty jumsalady.
«Jańa tehnologııalardy engizýimizge baılanysty elektr qýatyn únemdeýge qol jetkizip otyrmyz. Biz qazir jaryq dıottaryn paıdalanýǵa kóshtik - bul elektr energııasyn únemdeıtin shamdar. Kóshelerdi jaryqtandyrýda paıdalanyp otyrǵan atalmysh shamdar qazirgi ýaqytta 40 paıyzdy quraıdy, deıdi «Astana qalalyq jaryq» JShS bas ınjeneri Ádiljan Torsyqbaev.
Mekemeniń málimetinshe, elordada kóshelerdiń túngi jaryqtandyrylýyna bir aıda 2 mıllıon kVt/s elektr qýaty jumsalady. Alaıda bul kórsetkish jyl mezgiline baılanysty ózgerip otyrady, sebebi jazǵy maýsymda kúnniń batý ýaqyty uzarady.
«Astana qalalyq jaryq» JShS «Astana Innovations» AQ birlese kóshe jaryqtandyrylýy boıynsha júzege asyryp jatqan pılotty joba da bar. Bul joba eń aldymen elektr qýatyn baqylaýdy maqsat etedi.
Qazirgi ýaqytta pılotty joba Eńbekshiler kóshesinde júzege asyrylýda. Kóshe boıyndaǵy jaryq shamdaryn dıspetcherlik ortalyq túgeldeı baqylaýynda ustaıdy. Bul júıeni qala boıynsha paıdalaný kózdelip otyr, dep habarlaıdy astana.kz.
