Elordanyń tórt turǵyny kabel urlyǵy ústinde ustaldy
NUR-SULTAN. QazAqparat – Elordada kabel urlyǵyna qatysty jergilikti tórt turǵyn ustaldy. Bul týraly Polıtsııa departamentiniń baspasóz qyzmetinen málim etti, dep habarlaıdy QazAqparat tilshisi.
«21 jeltoqsan kúni qala kóshelerin birlesip patrýldeý kezinde áskerı polıtsııa men elordalyq polıtsııa qyzmetkerleri Telman kentiniń turǵyn alaby aýmaǵynda 4 adamdy ustady. Olar ózderiniń áreketimen polıtseılerdiń kúdigin týdyrdy, ıaǵnı túngi ýaqytta tas qarańǵyda «GAZel» kóligine júk tıep jatqan. Anyqtalǵandaı, atalǵan tórt turǵyn qalanyń kommýnaldyq menshigindegi kabeldi urlaǵan», - delipgen habarlamada.
Belgili bolǵandaı, olar ózderiniń osy áreketimen 1 mln teńgeden astam somaǵa zalal keltirgen. Ustalǵandardyń úsheýi buǵan deıin osy tárizdes urlyq boıynsha, sondaı-aq kólik urlyǵy men tonaý faktilerine qatysty sotty bolǵan.
Kúdiktiler kabel urlyǵyn moıyndap, olardan zattaı aıǵaqtar alyndy. Sonymen qatar, olardyń buǵan deıin osyndaı qylmystarǵa qatystylyǵy tekserilýde.
