Elordanyń tergeý ızolıatoryna bálish ishine telefon jasyryp ótpek bolǵan er adam ustaldy
Nur-Sultan qalasy QAJ departamentine qarasty ETs-166/1 mekemesine 8 sáýir kúni K esimdi azamat tergeý ızolıatoryna qamaqqa alynǵan A esimdi azamatqa as-aýqat alyp kelgen. Mekeme qyzmetkerleri as-aýqat salynǵan paketterdi tekserý barysynda bálishtiń ishine jasyrylǵan NOKIA uıaly telefonyn taýyp, tárkiledi. Atalǵan derek boıynsha K esimdi azamattan túsinikteme alyndy.
Onyń aıtýynsha, bálishterdi qamaýdaǵy azamattyń tanystary jetkizýin suraǵan jáne bul bálishterdiń ishine mekeme aýmaǵyna kirgizýge tyıym salynǵan zattardyń bar ekenin bilmegen. Uıaly telefondy anyqtaý jáne tárkileý derekteri boıynsha QR AQK-niń 481-babyna sáıkes derekter jınalyp, Nur-Sultan qalasy boıynsha ákimshilik quqyq buzýshylyqtar jónindegi mamandandyrylǵan aýdanaralyq sotyna is-qujat joldandy.
