Elordanyń tájirıbesin basqa qalalar da paıdalana alady - mınıstr

NUR-SULTAN. QazAqparat – Astananayń kelbetine qatysty Prezıdenttiń eskertýin, tapsyrmasy men synyn barlyq aımaqtardyń ákimi eskerýi kerek. Aqparat jáne qoǵamdyq damý mınıstri Dáýren Abaev osylaı dedi, dep habarlaıdy QazAqparat tilshisi.

«Habar» arnasyndaǵy «Ashyq dıalog» baǵdarlamasynda mınıstrge «Elordaǵa erekshe mańyz berilip ketken joq pa? Basqa da qalalar bar emes pe?» degen suraq qoıyldy.

«Elbasynyń ózi de elordanyń damýyna erekshe mán berip otyr. Astana – bizdiń qala qurylysyn júrgizýdegi draıverimiz. Bul - modeldi qala. Onyń búkil ınfraqurylymy biz táýelsizdik alǵan ýaqytta salynǵan. Sol sebepti onyń kelbetine qatysty Prezıdenttiń eskertýi, tapsyrmasy men synyn barlyq aımaqtardyń ákimi eskerýi kerek. Bul - ınvestıtsııa tartý, tutynýshylyq baǵanyń ósimi, qala shetin, qylmyspen kúresti kúsheıtýge qatysty máseleler», - dedi Dáýren Abaev «Ashyq dıalog» baǵdarlamasynda.

Mınıstr astanada jalpy respýblıkalyq deńgeıdegi iri ınfraqurylymdyq jobalar júzege asyrylyp jatqanyn eske saldy.

«Osy ınfraqurylymnyń tabystylyǵyna qaraı ony keń taratý múmkindigi arta túsedi. ıAǵnı, bul tájirıbeni basqa óńirlerge de qoldanýǵa bolady. Qarapaıym mysaldardy keltireıin: «Smart-sıtı» elementterin engizý, ıntellektýaldyq kólik júıesin damytý, beınebaqylaý júrgizý. Buny eskersek, osyndaı otyrystardyń mańyzy arta túsedi. Otyrysta aıtylǵan ashyq áńgime qala bıligine aıqyn baǵyt beredi», - dedi ol.

Eske sala ketsek, osy aptada Qazaqstan Prezıdenti Qasym-Jomart Toqaev elordany odan ary damytý máseleleri jónindegi májilis ótkizip, qalanyń birqatar problemasyna toqtalyp, olardy sheshýge baǵyttalǵan naqty tapsyrmalar bergen edi.