Elordanyń Táýelsizdik dańǵyly boıynda kópir salynady
NUR-SULTAN. QazAqparat – Nur-Sultan qalasynda Almaty men Esil aýdandaryn baılanystyratyn kómir salynady. Bul týraly Nur-Sultan qalasy ákimi Altaı Kólginov halyqqa esep berý kezdesýinde aıtty, dep habarlaıdy QazAqparat tilshisi.
«Elordada 400 myńnan astam kólik bar. Jol keptelisin týdyrmas úshin joldardy keńeıtip, qosymsha jaǵdaı jasaý kerek. Qabanbaı, Máńgilik el kósheleri men qalanyń eski bóliginde únemi jol keptelisi bolady. Osyǵan oraı eki kópirdiń qurylys jumystary bastaldy, endi Táýelsizdiń dańǵylynda úshinshi kópir qurylysy bastalady. Ol Almaty men Esil aýdandaryn baılanystyratyn bolady. Qabanbaı batyr dańǵylynyń joly segiz jolaqty bolady, keı jerleri 6 jolaqqa deıin keńeıtiledi. Bul jumystardy júrgizý úshin bir jyl jetkiliksiz, sol sebepti eki jylǵa sozylady», - deıdi Altaı Kólginov.
Sondaı-aq, ol Saltanat saraıy, Kerýen sıtı ǵımarattary jáne Turan dańǵylynda keptelis bolatynyn aıtty.
«Qalamyzda káriz júıesine qatysty da máseleler bar. Baýyrjan Momyshuly, Imanov-Imanbaev kóshelerin sý basyp qalady. Osyndaı problemasy bar ýchaskelerde jumys bastaldy. Budan bólek sý basyp qalý qaýpi bar 30 jerde jumys isteýimiz kerek. Qazirgi ýaqytta jumys isteý úshin qujattardy daıyndap jatyrmyz», - dedi ol.
