Elordanyń tártip saqshylary jazǵy kıim úlgisine kóshti
NUR-SULTAN. QazAqparat - Qajymuqan Munaıtpasov stadıonynda Nur-Sultan qalasynyń Polıtsııa departamentiniń jeke quramynyń jazǵy kıim úlgisine aýysý rásimine arnalǵan saptyq baıqaý ótti, dep habarlaıdy QazAqparat vedomstvonyń baspasóz qyzmetine silteme jasap.
Saptyq baıqaý barysynda qyzmetkerlerdiń syrtqy túr-sıpaty, úlgilik kıimi, qyzmettik kýálikteriniń, aıyrym belgileriniń talaptarǵa saı bolýy tekserildi.
Saptyq baıqaý barysynda Departament basshylyǵy elordalyq polıtsııa qyzmetkerlerine júkteletin mindetterdi abyroımen atqaryp, azamattardyń jeke jáne múliktik qaýipsizdigin qamatamasyz etýge bar kúsh-jigerlerin salýǵa baǵyttady.
«Saltanatty shara aıaqtalǵan soń elordalyq garnızonnyń barlyq bólimsheleri saptyq sherýge qatysty. Olardyń qatarynda ýchaskelik polıtsııa qyzmetkerleri, tergeýshiler, ákimshilik polıtsııa qyzmetkerleri, operatıvtik qyzmetkerler, jol-patrýl polıtsııanyń qyzmetkerleri bar. Shara barysynda elordalyq garnızonnyń bólimsheleri ujymshyldyǵy men biliktiligin kórsetti», - delingen habarlamada.
Jazǵy kıimge aýysý rásimine arnalǵan jıyn qyzmetkerlerdiń sherýimen aıaqtaldy.
Foto: patrul.kz
