Elordanyń tártip saqshylary telefon arqyly alaıaqtyq áreket jasaý jaǵdaılarynyń jıilep bara jatqandyǵyn eskertti
ASTANA. Shildeniń 13-i. QazAqparat /Aıdar Ospanalıev/ - Elordanyń tártip saqshylary elimizde telefon arqyly alaıaqtyq áreket jasaý jaǵdaılarynyń jıilep bara jatqandyǵyn aıtyp, turǵyndarǵa eskertý jasady.
Bul máselemen búgin jýrnalıstermen bolǵan baspasóz máslıhatynda Іshki ister departamentiniń Memlekettik til jáne aqparat bóliminiń bastyǵy Nurdildá Oraz tanystyrdy.
Onyń sózine qaraǵanda, qazirgi tańda elordada osyndaı alaıaqtardyń arbaýyna túsip, aldanyp qalýshylar sany kúnnen-kúnge artyp otyr. «Alaıaqtar ózderiniń jymysqy áreketterin aldyn ala belgilengen jospar boıynsha júrgizýde. Olar belgili bireýdiń úıine telefon shalyp, balasynyń nemese qyzynyń esirtkimen ustalǵandyǵyn nemese jol kólik oqıǵasyna tap bolǵandyǵyn, bolmasa basqadaı qıyn jaǵdaıǵa túskendigin aıtyp, máseleni sheshý úshin belgili bir somada qarjy talap etedi.
Astana qalalyq Іshki ister departamentiniń qyzmetkerleri osyǵan uqsas jaǵdaıǵa tap bolǵan kezde mindetti túrde ishki ister organdaryna habarlasý qajettigin eskertedi», dedi N.Oraz.
