Elordanyń tártip saqshylary «Han Shatyr» saýda ortalyǵyndaǵy dúńgirshekterden kıim urlap júrgen oqýshy qyzdardy qolǵa túsirdi

Astana qalasy ІІD baspasóz habarlamasynda aıtylǵandaı, Esil aýdandyq ishki ister bólimine sońǵy ýaqytta kıim satatyn oryndarynan urlyq kóp baıqalatynyn baıqaǵan «Han Shatyr» saýda ortalyǵyndaǵy áıelder men erler kıimin satatyn dúńgirshekter dırektorlary shaǵym túsirgen. Árbirdúńgirshek ishindegi beıne baqylaý kamerasy arqyly kún saıynǵy jazbalardy teksergen polıtsııa qyzmetkerleri kıim bólimine kóbinese eki kishkentaı qyz kiretinin, sodan keıin urlyq anyqtalatynyn baıqaǵan. Birneshe kún boıy olardyń is-qımylyn baqylaǵan tártip saqshylary urlyqty osy eki qyz bala jasaıtynyna kózderi jetken.

Saýda ortalyǵynda baqylaý qyzmetin ornatqan polıtsııa qaýipsizdik qyzmetimen birlese otyryp urlyq jasap jatqan jerlerinen elordadyǵy mektepterdiń birinde oqıtyn eki joǵary synyp oqýshylaryn qolǵa túsiredi. Qyzdardyń jasy nebári 15-te, ózderi aıtqandaı, olar únemi kıim urlap otyrǵan. Dúńgishekke kirip unaǵan kıimdi tańdaǵan soń olar kıim ólshep kóretin orynǵa kirip, kıimdegi magnıtti qaıshynyń kómegimen alyp tastap, urlap alǵan zattaryn sómkelerine salady da jaıbaraqat shyǵyp ketedi.

Kámelettik jasqa tolmaǵan qyzdarǵa qatysty Astana qalasy ІІD Esil aýdandyq ІІB qyzmetkerleri QR Qylmytyq kodeksiniń 175 baby boıynsha qylmystyq is qozǵady, aıǵaqtar tárkilengen. Tergeý júrip jatyr.