Elordanyń sýsyz qalǵan úılerine 70 myń lıtr aýyz sý jetkizildi
NUR-SULTAN. QazAqparat – Elordada sý júıesin qalpyna keltirý úshin 2 brıgada jumys istedi, dep habarlaıdy QazAqparat.
«Jumys tańǵy saǵat 6-dan bastap júrip jatyr. Qazirgi ýaqytta qıyndyqtar bar, sebebi túske qaraı taǵy basqa jerden dánekerlengen bóligi ajyrap ketti. Sý júıesin qalpyna keltirý úshin quramynda 12 adamnan turatyn 2 brıgada jumys isteýde. Sonymen qatar, oqıǵa ornynda mekeme basshylyǵymen qatar, ákimdik ókilderi qadaǵalaýda», - dep habarlaıdy «Astana Sý Arnasy».
Mekeme bergen málimetke súıensek, búginde turǵyn úılerge arnaıy kólikpen sý jetkizilýde.
«Sý tasyp júrgen kólikterdi kóp adam kórmeı qalýy múmkin. Sebebi, sý tasymaldaıtyn kólikter sýdy toltyryp alý úshin ary-beri jıi qatynaıdy. Aýyz sý toltyryp alatyn stantsııa Tilendıev pen Kúıshi Dına kósheleriniń qıylysynda ornalasqan. Osyǵan deıin jalpy kólemi 70 myń lıtr sý tartyldy. Turǵyndardan túsinistikpen qaraýyn suraımyz», - delingen habarlamada.
