Elordanyń sý qoımalarynda mereke kúnderi 4 adam sýǵa ketti
NUR-SULTAN. QazAqparat – Adamdardyń sýǵa batýynyń aldyn alý maqsatynda qala polıtseıleri Tótenshe jaǵdaılar departamentimen birge sýǵa túsetin jerler men kommýnaldyq jaǵajaılardy patrýldeý, kámeletke tolmaǵandardy eresekterdiń qaraýynsyz sý qoımalaryna jibermeý mobıldik toptary uıymdastyryldy, dep habarlaıdy QazAqparat Nur-Sultan qalasy Polıtsııa departamentiniń baspasóz qyzmetine silteme jasap.
Reıd nátıjesinde sýdy paıdalanýdyń jalpy erejelerin buzǵany úshin QR ÁQBtK-niń 364-baby boıynsha 168 azamat ákimshilik jaýapqa tartyldy.
Sýǵa shomylý maýsymynyń basynan quqyq qorǵaý organdarynyń birikken kúshteri tarapynan 6 adam qutqaryldy.
Jeti adam sýǵa batqan.
Ótken demalystardyń ózinde elordada tórt adam sýǵa batqan, olardyń ekeýi – 15 jáne 16 jastaǵy kámeletke tolmaǵan balalar. Jasóspirimder Nura-Esil arnasynyń aýmaǵyndaǵy jabdyqtalmaǵan jerde sýǵa shomylý kezinde batyp ketken.
Sý nysandaryn túgendeý nátıjesinde 23 sýǵa túsý orny anyqtalǵan, olardyń úsheýi – ruqsat ketilgen. Bul Saryarqa aýdany boıynsha «Trı peskarıa» demalys orny, Almaty aýdany boıynsha «Stolıchnyı dvor» demalys ornyndaǵy «Kúıgenjar» turǵyn alaby jáne Esil aýdanyndaǵy Astanalyq saıabaq.
Elorda aýmaǵyndaǵy patrýldik avtokólikter qutqarý quraldarymen jabdyqtalǵan.
Polıtsııa departamenti azamattardy sý qoımalarynda qaýipsizdik erejelerin saqtaýǵa shaqyrady. Balalardyń sý qoımalarynda sýǵa batyp ketýin boldyrmaý maqsatynda ata-analardy balalaryna sýda ózin-ózi ustaý erejeleri men olardy buzý saldaryn túsindirýin suraıdy. Balalardyń eresekterdiń qaraýynsyz ruqsat etilmegen jerlerde sýǵa túsýine tyıym salynady.
