Elordanyń sol jaǵalaýyndaǵy birneshe kóshe ýaqytsha jabylady
NUR-SULTAN. QazAqparat – Bas shahardyń Kólik jáne jol-kólik ınfraqurylymyn damytý basqarmasy Máńgilik El dańǵyly boıyna asfalt tóseý jumystarynyń bastalǵanyn málim etti, dep habarlaıdy QazAqparat tilshisi.
Osyǵan baılanysty 5-8 tamyz aralyǵynda Almaty kóshesinen Orynbor kóshesine deıingi ýchaskede kólik qozǵalysy ýaqytsha toqtaıdy.
Al, 8-12 tamyz aralyǵynda Orynbor kóshesinen Buqar Jyraý kóshesine deıingi aralyq tolyǵymen jabylady.
Buǵan deıin 2-8 tamyz aralyǵynda Dostyq kóshesinen Saraıshyq kóshesi Máńgilik El dańǵylynyń qıylysyna deıingi ýchaskeniń jabylatynyn habarlaǵan bolatynbyz.
«Elorda turǵyndary men qonaqtary joldarda kepteliske tap bolmaýy úshin qozǵalys baǵyttaryn aldyn ala josparlaýy qajet. Keltirilgen qolaısyzdyqtar úshin keshirim suraımyz. Jóndeý jumystaryn júrgizýge túsinistikpen qaraýdy ótinemiz», - delingen kólik basqarmasynyń habarlamasynda.
Jol jóndeý jumystaryn júrgizý Nur-Sultan qalasynyń polıtsııa departamentiń ákimshilik polıtsııa basqarmasymen kelisilgen.
