Elordanyń sol jaǵalaýynda jeke úıler jappaı deratızatsııalanyp jatyr
ASTANA. QazAqparat - Astananyń Esil aýdanyndaǵy jeke úılerde deratızatsııalaý jumystary júrgizilýde, dep habarlaıdy «QazAqparat» HAA tilshisi vedomstvoǵa silteme jasap.
«Esil aýdany ákimdiginiń merdiger uıymy «Astanalyq dezınfektsııa» JShS 28 qyrkúıekten bastap jeke úılerde jappaı deratızatsııalaý jumystaryn júrgizýde», - delinedi habarlamada.
Esil ózeniniń sol jaǵalaýynda ornalasqan aýdannyń jer kólemi 31 179 gektardy quraıdy. Oǵan turǵyndar qarqyndy túrde jeke úı salyp jatqan qala mańy massıvteri de kiredi.
Aıta keteıik, deratızatsııa kemirgishter taratatyn túrli aýrýlardyń (oba, týlıaremııa, qutyrý, saryp, kúıdirgi, salmonellez, t.b.) qozdyrǵyshtaryn der kezinde qurtý, olardan saqtandyrý úshin júrgiziledi.
