Elordanyń sol jaǵalaýynda sý qubyry zaqymdanyp, turǵyn úıler sýsyz qaldy
NUR-SULTAN. QazAqparat - Elordanyń sol jaǵalaýynda sý qubyry zaqymdanyp, turǵyn úıler sýsyz qaldy. Bul jaıynda Astana sý arnasynan málim etti, dep habarlaıdy QazAqparat tilshisi.
Kásiporyn málimetinshe, búgin saǵat 17-20-da Bókeıhan kóshesi boıynda qubyrdan sý aǵyp jatqany týraly habarlama túsken.
«Oqıǵa ornyna brıgada attandy. Tekserý barysynda Uni Capital seriktestiginiń Astana sý arnasymen kelispeı jumys istegendigi jáne dıametri 500 mm-lik qubyrdyń zaqymdanǵany anyqtaldy. Qazirgi ýaqytta qubyrmen sý berý toqtatylyp, sý sorý jáne sýmen jabdyqtaý júıesin qalpyna keltirý boıynsha jumystar júrgizilip jatyr. Oqıǵa ornynda 9 sý qorǵysh mashına men 1 laısorǵysh tehnıka jumys istep jatyr. Qazirgi ýaqytta Bókeıhan kóshesi 8, 10 úılerge aýyz sý berý toqtatylǵan. Sý jetkizý uıymdastyryldy», - dep atap ótti Astana sý arnasynan.
