Elordanyń shuǵyl-jastar otrıady 130-dan astam quqyqbuzýshylyqty anyqtady
ASTANA. 14 aqpan. QazAqparat - Búgin Astana qalasynyń Іshki ister departamentinde elordadaǵy joǵary oqý oryndary basshylarymen kezdesý ótti, dep habarlady Astana qalasynyń resmı saıty vedomstvonyń baspasóz qyzmetine silteme jasap.
Іs-sharaǵa Eýrazııa ulttyq ýnıversıtetiniń, Agrotehnıkalyq ýnıversıtettiń, Qazaqstannyń tehnologııa jáne bıznes ýnıversıtetiniń, qaladaǵy basqa da joǵary oqý oryndarynyń ókilderi qatysty.
Kezdesý kezinde joǵary yntymaqtastyq jáne joǵary oqý oryndary stýdentterinen shuǵyl-jastar otrıadtaryn qurý máseleleri talqylandy.
Búgingi kúni qalada quramynda 62 múshesi bar Eýrazııa ulttyq ýnıversıteti men Agrotehnıkalyq ýnıversıtettiń 2 shuǵyl-jastar otrıady jumys isteıdi. Olardyń kómegimen 130-dan astam ákimshilik quqyqbuzýshylyq anyqtaldy. 2012 jyldyń qorytyndysy boıynsha ShJO músheleri 930 myń teńge kóleminde (árqaısyna 15 myń teńgeden) aqshalaı syıaqyǵa ıe boldy.
Sonymen qatar, kezdesý kezinde shuǵyl-jastar otrıadynyń 10 jańa múshesine polıtsııanyń qoǵamdyq kómekshisi kýáligi tapsyryldy.
Qoǵamdyq tártipti saqtaýǵa belsene qatysqany úshin eki shuǵyl-jastar otrıady jasaqtalǵan Eýrazııa jáne Agrotehnıkalyq ýnıversıtettiń rektorlaryna alǵys hat tapsyryldy.
Astana qalasy Іshki ister departamentiniń baspasóz qyzmetinen habarlaǵanyndaı, shuǵyl-jastar otrıadtary polıtsııanyń ýchaskelik ınspektorlarymen birge stýdentter arasynda profılaktıkalyq is-sharalardy júzege asyryp, joǵary oqý oryndary men jataqhanalary aýmaǵynda mádenı is-sharalar ótkizý kezinde qoǵamdyq tártipti qadaǵalaıdy.
