Elordanyń shoý-bıznes juldyzdary jastardy QR Prezıdenti saılaýyna qatysýǵa shaqyrady
ASTANA. 18 naýryz. QazAqparat - Elordada elimizdiń estrada juldyzdary men belsendi jastardyń qatysýymen «Qazaqstan úshin daýys ber» atty aktsııa ótti.
Іs-shara maqsaty - jastardyń saılaýǵa baryp, óz daýysyn laıyqty kandıdatqa berýine muryndyq bolý.
«3 sáýirde bizdiń elimizdiń odan ári damý jolyn aıqyndaıtyn mańyzdy oqıǵalardyń biri kezekten tys QR Prezıdenttin saılaý ótedi. Sondyqtan eshkimniń de tysqary qalmaǵany, árbir qazaqstandyqtyń daýys bergeni mańyzdy», - deıdi otandyq shoý-bıznes juldyzdary.
Aktsııaǵa ánshi Erkin Máýlen, tanymal radıo jáne telejúrgizýshi Azamat pen Anton, «Astana kz» KTK komandasy syndy tanymal óner adamdary qatysty. Kesh barysynda túrli konkýrstar uıymdastyrylyp, óner juldyzdary án shashý jasady.
Uıymdastyrýshylardyń atap ótýinshe, juldyzdardyń dál osyndaı aktsııasy elimizdiń barlyq óńirlerinde 14-28 naýryz aralyǵynda ótedi.
«Qazaqstan úshin daýys ber» aktsııasy tanymal «Arnaý» tobynyń ánshileri Nurjan Kermenbaev pen Saltanat Baqaevanyń beıneúndeýimen bastaldy. Onda ánshiler aldaǵy saılaý taqyrybyn qozǵap, oǵan otandyq shoý-bıznes juldyzdary Medeý Arynbaev, Baıan Esentaeva, Asha Mataı, Murat Qojalar belsendi qoldaý bildirdi.
