Elordanyń shetinde ornalasqan qonys-kolonııada para berýshi qolǵa tústi
ASTANA. 28 naýryz. QazAqparat /Ǵalymjan Hasenov/ - Jeksenbi, 27 naýryz kúni elordanyń shetinde ornalasqan qonys-kolonııada para berýshi qolǵa tústi, dep habarlaıda Astana qalasy boıynsha Qylmystyq-atqarý júıesi komıtetiniń departamenti.
Astana qalasy boıynsha QAJK departamenti bastyǵynyń orynbasary Ermekbaı Qojahmetovtyń aıtýynsha, Astana qalasynyń qarjy polıtsııa qyzmetkerleri QAJK departamentiniń qyzmetkerlerimen birlese otyryp, para berýshini qolǵa túsirý operatsııasyn oıdaǵydaı aıaqtady.
Astana qalasynda turatyn 30 jastaǵy azamatsha zańsyz túrde qysqa merzimdi kezdesý uıymdastyrý úshin baqylaýshyǵa 100 AQSh dollary kóleminde para berip jatqan jerinen qolǵa tústi. Qazirgi tańda protsessýaldyq sheshim shyǵarý máselesi qaralyp jatyr.
"Bul aǵymdaǵy jyly QAJ qyzmetkerine para usynylǵan ekinshi oqıǵa. Osyndaı zań buzýshylyq Qaraǵandy oblysyndaǵy kolonııalardyń birinde aqpan aıynyń ortasynda tirkelgen bolatyn", - delingen QR Ádilet mınıstrligi Qylmystyq-atqarý júıesi komıtetiniń baspasóz qyzmetiniń habarlamasynda.
