Elordanyń saılaý ýchaskeleri daýys berý kúnine tolyǵymen daıyn
ASTANA. QazAqparat - Elordanyń saılaý ýchaskeleri daýys berý kúnine tolyǵymen daıyn. Bul týraly QR-daǵy saılaýdy baqylaý jónindegi respýblıkalyq qoǵamdyq komıssııasynyń múshesi Fatıma Matjanova aıtty.
«Biz birqatar saılaý ýchaskesin aralap shyqtyq. Olardyń arasynda bólimsheler, qala mańyndaǵy saılaý ýchaskeleri bar. Barlyq ýchaskeler tolyǵymen daıyn. Biz tizimdi qarap shyqtyq, qoǵamdyq baıqaýshylardan eshkim bizge shaǵym jasamady. Qandaı da bir eskertýler men aıyptaýlar joq. Barlyq materıaldar durys oratylǵan», - dedi ol QazAqparat tilshisine telefon arqyly.
Sonymen qatar ol búgin qandaı da bir úgit júrgizýge tyıym salynǵan atap ótti. «Tynyshtyq kúni Astanada saqtalyp otyr. Qandaı da bir is-qımyl, úndeý ázirshe oryn almady. Bul saılaýdyń zań aıasynda ótýine tilektespiz», - dedi qoǵamdyq komıssııa ókili.
Onyń atap ótýinshe, qoǵamdyq komıssııanyń negizgi mindeti - saılaý ýchaskelerindegi qoǵamdyq baıqaýshylardyń jumysyn uıymdastyrý.
«Aǵymdaǵy jyly biz aldymyzǵa barlyq saılaý ýchaskelerine ózimizdiń baıqaýshylarymyzdy jiberý týraly maqsat qoıdyq. Jalpy, óz kandıdatyn usynyp, saılaýǵa qatysýǵa nıet tanytyp otyrǵan partııa árbir saılaý ýchaskesine óziniń qoǵamdyq baıqaýshysyn jiberýge quqy bar. Soynmen birge zańǵa sáıkes árbir qoǵamdyq birlestik te ýchaske jumystaryna óziniń bir baıqaýshysyn jibere alady», - dedi F.Matjanova.
