Elordanyń saýda ortalyqtary men densaýlyq nysandarynda turǵyndar tegin medıtsınalyq tekserýden ótýde

Aýyryp em izdegenshe, aýyrmaıtyn jol izdeýge úndeý maqsatynda uıymdastyrylǵan is-shara aıasynda «Astanalyq» (burynǵy Artem) ámbebap bazarynda júrek qan tamyrlary aýrýlaryn emdeý boıynsha ashyq esik kúni ótip jatyr. «QR Prezıdentiniń aǵymdaǵy jylǵy «Bolashaqtyń irgesin birge qalaımyz!» atty Qazaqstan halqyna Joldaýyn júzege asyrý maqsatynda jáne QR-nyń halyq densaýlyǵy týraly kodeksine sáıkes uıymdastyryp otyrmyz. Búgin elordanyń birqatar nysandarynda áleýmettik mańyzdy aýrýlardy erte anyqtaý maqsatynda «Ashyq esik kún» aktsııasy ótkizilýde», - deıdi Salaýatty ómir saltyn qurý ortalyǵy dırektorynyń orynbasary Lázzat Esimova.

Sondaı-aq búgin «Mega Astana» oıyn-saýyq ortalyǵynda №4 emhananyń dárigerleri glıýkometrııa apparatynyń kómegimen qant dıabeti máseleleri boıynsha, al №8 emhanada dárigerler glaýkoma boıynsha keńes berýde. Onkologııalyq dıspanser mamandary jatyr moıny jáne sút bezi obyryn erte anyqtaý týraly aqparattandyrýda. №1 jáne 2 perzenthanalar men perınataldyq ortalyqta balalardyń týa bitken jáne tuqymqýalaýshylyq estý kemistigin anyqtaý boıynsha ashyq esik kúni ótýde.