Elordanyń Saryarqa aýdanynda apatty úılerdiń ornyna demalys orny paıda boldy

Jyl sońyna deıin aýdanda 14 qoǵamdyq keńistik abattandyrylady. S.Seıfýllın kóshesinde apatty dep tanylyp, ıýuzdyrylǵan eki úıdiń ornyna jaıly demalys orny paıda boldy: asfalt tóselip, balalar oıyn alańdary, oryndyqtar ornatylyp, jaryqtandyryldy.

Maýsymnyń basynda bastalǵan qoǵamdyq keńistik qurylysy birneshe kún buryn aıaqtaldy.

«Biz turǵyndarmen jańa demalys ornynda kórgisi keletin nárseler týraly aldyn ala kelisip, qoǵamdyq pikirdi tyńdap, talqyladyq. Ornatylǵan jabdyqtardyń 90%-y elimizde jasalǵan. «Jumyspen qamtýdyń jol kartasy» aıasynda jumysshylar tartyldy», – dedi Saryarqa aýdanynyń Abattandyrý jáne qoǵamdyq keńistikti damytý bóliminiń basshysy Azamat Mashenov.

Qazirgi ýaqytta Saryarqa aýdanynda eki jańa qoǵamdyq oryn paıda boldy. Jyl sońyna deıin taǵy 12 oryndy abattandyrý josparlanǵan. Mundaı abattandyrý jumystary qalanyń barlyq aýdandarynda júrgizilip otyr. Bıyl Nur-Sultanda 150 aýla men 50 qoǵamdyq oryn, onyń ishinde Almaty aýdanynda – 33, Baıqońyrda – 70, Esilde – 20, Saryarqada – 40 abattandyrý josparlanǵan.