Elordanyń Saryarqa aýdanyna polıtsııanyń servıstik modeliniń jańa elementteri engiziledi
«Memleket basshysy Joldaýynda ishki ister organdaryn jańǵyrtý jáne qaýipsizdikti qamtamasyz etýdiń servıstik modeline kóshý basymdyqtaryn aıqyndap berdi. Eger, qyzmet kórsetýge baǵdarlanǵan polıtsııa qyzmeti jaıynda aıtar bolsaq, bul model polıtsııa men qoǵamǵa qylmys problemalaryn sheshý, qaýipsizdikti qamtamasyz etýúshin yntymaqtastyqtyń jańa ádisterin qoldanýǵa múmkindik beredi», - dedi arnaıy uıymdastyrylǵan brıfıng barysynda Nur-Sultan qalalyq polıtsııa departamenti Jergilik polıtsııaqyzmeti basqarmasynyń bastyǵy Arman Aımaǵambetov.
Onyń atap ótýinshe, polıtsııanyń halyqpen ózara is-qımylyn ońtaılandyrý turǵysynan alyp qaraǵanda servıstik model eń aldymen qyzmetkerler senimge, seriktestik ustanymdaryna negizdeledi.
«Memleket basshysynyń tapsyrmasy aıasynda Іshki ister mınıstrligi polıtsııanyń ýchskelik ınspektorlarynyń mártebesin arttyrý, halyqpen jumys isteýde qyzmet kórsetý ádisterin engizý boıynsha keshendi is-sharalardy júzege asyryp jatyr. Máselen, 2021 jyldyń shilde aıynan bastap, ýchaskelik polıtsııa qyzmetkerlerine polıtsııa atynan jeke jáne zańdy tulǵalarǵa quqyq buzýshylyq jasaýǵa túrtki bolatyn sebepter men jaǵdaılardy joıý, olardyń oryndalýyn talap etý boıynsha usynys engizý quqyǵy júkteldi», - dedi ol.
Elordanyń Polıtsııa departamentiniń málimetinshe, búginde Saryarqa adýandyq polıtsııa basqarmasynyń bazasynda Qaraǵandy oblysynda ilki joba retinde qolǵan alynǵan servıstik polıtsııanyń jekelegen elementterin qolǵa alý josparlanyp otyr. Bul rette ákimdik, densaýlyq saqtaý, bilim berý, áleýmettik qorǵaý, elordanń qoǵamdyq keńesteri, prokýratýra ókilderiniń jetekshiligimen vedomstvoaralyq top qurylatyn bolady. Atalǵan top aýdandaǵy qylmystarǵa saraptama jasap, qaýipsizdik problemalaryn aıqyndaıtyn bolady jáne olarǵa qarsy shuǵyl áreket etý is-sharalaryn ázirleıdi.
