Elordanyń salyq organdary qyzmetkerlerine qatysty 3 qylmystyq is qozǵaldy
ASTANA. 27 maýsym. QazAqparat - Elordanyń salyq organdary qyzmetkerlerine qatysty 3 qylmystyq is qozǵaldy. Bul aqparatty Astana qalalyq ekonomıkalyq jáne sybaılas jemqorlyqqa qarsy kúres departamentiniń baspasóz qyzmeti taratyp otyr.
Aǵymdaǵy jyldyń 14 mamyrynda Astana qalasy boıynsha qarjy polıtsııasy Departamentiniń qyzmetkerlerimen ákimshilik jaýapqa tartpaý úshin 40 myń teńge somasynda para alǵan degen kúdikpen Astana qalasy Saryarqa aýdandyq salyq departamenti salyqty májbúrlep alý bóliminiń bas mamany Ibragımov ustaldy.
14 maýsymda para alý faktisi boıynsha Ibragımovke qatysty qylmystyq is qozǵaldy.
Sondaı-aq Astana qalalyq salyq departamenti Saryarqa aýdandyq salyq basqarmasynyń bas mamany Petrova qylmystyq jaýapkershilikke tartyldy. Ol 2011 jyldyń naýryz jáne sáýir aılarynda uıǵarym negizinde «Aral stroı-70» JShS-ine josparlanǵan tekseris júrgizgen. Tekseris barysynda salyqtyq jáne býhgalterlik esep málimetterinde sáıkessizdikter, ıaǵnı satylǵan ónimder, qyzmetter jáne jumystardyń ózindik quny joǵarylatylǵandyǵy anyqtaldy. Sodan keıin Petrova «Aral Stroı-70» JShS jáne «Temir Montaj LTD» JShS aralarynda jalǵan kelisimsharttarynyń jasalǵandyǵyn bile tura, somasy 66 mln. teńgeni quraıtyn korporatıvtik tabys salyǵy jáne qosylǵan qun salyǵyn «Aral Stroı-70» JShS esebine engizgen, salyq tekserisi aktisinde bıýdjetke tólenýge tıis salyq somasyn kórsetpegen. Sonyń nátıjesinde, «Aral Stroı-70» JShS 19,6 mln.teńge somasynda salyq tóleýden jaltarǵan.
Zańsyz ekinshi ret STN (salyq tóleýshiniń tirkeý nómiri) bergeni úshin Astana qalasy Almaty aýdandyq salyq departamentiniń bas mamany Seıdildaeva qylmystyq jaýapkershilikke tartyldy.
Petrova men Seıdildaevaǵa qatysty qylmystyq ister «QR Táýelsizdiginiń 20 jyldyǵyna baılanysty amnıstııa týraly» Zańnyń 4 baby negizinde qysqartyldy.
