Elordanyń Respýblıka dańǵyly boıynda eki áıeldi qaǵyp ketken kóliktiń júrgizýshisi jol erejesin óreskel buzǵan

Bul týraly búgin Astana qalalyq ІІD-inde ótken aptalyq brıfıngte atalǵan vedomstvonyń memlekettik til jáne aqparat bóliminiń bastyǵy Nurdildá Oraz málim etti.

Onyń aıtýynsha, jeltoqsannyń 28-i kúni tańǵy saǵat 7:30-da «Toıota Lend Krýzer» kóliginiń 45 jastaǵy júrgizýshisi Aqmola oblysy Aqkól aýylynyń turǵyndary 54 jáne 56 jastaǵy eki áıeldi qaǵyp ketken. Aýyr jaraqat saldarynan eki áıel de oqıǵa ornynda kóz jumǵan. Djıp júrgizýshisi jol ortasyndaǵy qos syzyqtyń ústinde, qozǵalyssyz turǵan adamdardy qaqqan.

«Qazirgi ýaqytta osy oqıǵaǵa baılanysty QR Qylmystyq kodeksiniń 296-babynyń 3-shi bólimi boıynsha qylmystyq is qozǵaldy. Kólik júrgizýshisi ýaqytsha oqshaýlaý orynyna qamalyp, tergeý amaldary júrgizilýde», dedi N.Oraz.