Elordanyń ortalyq stadıonyn qaıta jańartý jumysy nege sozylyp ketti

NUR-SULTAN. QazAqparat – Nur-Sultan qalasyndaǵy Qajymuqan Muńaıtpasov atyndaǵy ortalyq stadıondy qaıta jańartýǵa qansha qarajat jumsalatyny belgili boldy, dep habarlaıdy QazAqparat tilshisi.

«2022-2024 jyldary elordada sport nysandaryn damytýǵa 529,8 mln teńge qarjy bólý qarastyrylyp otyr. Onyń ishinde 2022 jyly 29,8 mln teńge bólinbek. Bul qarajat Qajymuqan Muńaıtpasov atyndaǵy ortalyq stadıonnyń qurylys jobasyna jumsalady. Jalpy ortalyq stadıonǵa kúrdeli jóndeý júrgizý máselesi burynnan qozǵalyp kele jatyr. Kúrdeli jóndeýdiń jospary jasala bastaǵan kezde jobalaýshylar atalǵan nysannyń apatty jaǵdaıda ekenin aıtty. Osydan aqyldasa kele, stadıondy jóndeýmen qatar qaıta jańartý kerek degen sheshim qabyldandy. Búginde ortalyq stadıon tehnıkalyq tekserýden ótti. Endi tótenshe jaǵdaılar saraptamasynyń qorytyndysyn kútip otyrmyz», - dedi Nur-Sultan qalasy ekonomıka jáne bıýdjettik josparlaý basqarmasynyń basshysy Qaısar Mańqaraev elorda máslıhatynyń turaqty komıssııa otyrysynda.

Buǵan deıin habarlaǵanymyzdaı, atalǵan jıynda Nur-Sultan qalasyndaǵy kómir tapshylǵy máselesi de kóterildi.