Elordanyń ortalyq kóshelerinde jol qozǵalysyn uıymdastyrý ózgerdi

dep habarlady qalalyq ІІD Jol polıtsııasy basqarmasynyń baspasóz qyzmetinen.

«Qalanyń kóshe joldary jelisin qaıta jóndeý kezeńinde kólik ótkizý múmkindigin arttyrý maqsatynda Saryarqa dańǵyly men Kenesary kósheleriniń qıylysynda jol qozǵalysyn uıymdastyrý ózgerdi», - delingen baspasóz habarlamasynda.

Atap aıtqanda, Jeńis dańǵyly jaqtan Kenesary kóshesimen qozǵalyp kele jatqanda Saryarqa dańǵylynda solǵa burylýǵa bolmaıdy. Sol jaǵalaý baǵytynda Saryarqa kóshesimen shyǵý № 103 kóshe arqyly júzege asyrylady.

Saryarqa kóshesimen sol jaǵalaýdan kele jatqan kezde Kenesary kóshesine solǵa qaraı burylýǵa shekteý qoıyldy.

«Jol qozǵalysyn uıymdastyrýdaǵy bul ózgerister kólik keptelisin aıtarlyqtaı tómendetedi», - dep sanaıdy polıtsııa qyzmetkerleri.

Astana qalalyq ІІD Jol polıtsııasy basqarmasy kólik júrgizýshilerine jol belgileri talaptaryn qatań oryndaýǵa keńes beredi.