Elordanyń ortalyq bazary burynǵy rejımde jumys isteýge daıyn

NUR-SULTAN. QazAqparat - Elorda ákimdigi qalanyń iri saýda ortalyǵynyń daıyndyǵyn tekserip, onyń jumysyna «jaqsy» degen baǵa berdi, dep habarlaıdy QazAqparat Nur-Sultan qalasy ákimdiginiń resmı saıtyna silteme jasap.

«Búgin biz SES organdarymen birge karantındi jeńildetý aıasynda ortalyq bazar jumysyn qalpyna keltirý daıyndyǵyn tekserdik. Daıyndyq joǵary. Negizinde, barlyq bazarlar antıseptık, maskalarmen qamtamtylyp, logıstıka uıymdastyrylǵan. Bazar basshylyǵymen sanıtarlyq normalardyń saqtalýyna baqylaý júrýde.Baqylaý ári qaraı jalǵasady», – dedi Nur-Sultan qalalyq ınvestıtsııa jáne kásipkerlikti damytý basqarmasynyń basshysy Erlan Bekmýrzaev.

Ortalyq bazardyń basqarýshy kompanııasynyń dırektory Atahan Abdıjalılovtyń aıtýynsha, saýdagerler men bazar qyzmetkerleri antıseptık, qolǵap, sanıtaızerlermen tolyq qamtylǵan.

«Biz muny kúndelikti tekseremiz», – dedi ol.