Elordanyń Ortalyq alańyndaǵy muz aıdyny ashyldy

 dep habarlaıdy QazAqparat  qalalyq ákimdiktiń baspasóz qyzmetine silteme jsap.

Muz aıdynynyń aýmaǵy 1800 sharshy metrdi quraıdy jáne 600 adamdyq arnaıy oryn bar. Oǵan taqaý jerde 2 jalǵa konkı beretin, 2 tamaqtaný orny, tártipti qadaǵalaıtyn jáne medıtsınalyq kómek kórsetetin ákimshilik beket jumys isteıdi. Sonymen qatar alańda úlken teleekran ornatylǵan.

Jalpy aǵymdaǵy  jyly Astanada 4 muz aıdyny iske qosylady. Osyǵan oraı qazirgi ýaqytta «Astana kógaldandyrýqurylys» mekemesi «Dýman» oıyn-saýyq ortalyǵy janynda, Aqbulaq ózeninde jáne «Jeruıyq» saıabaǵynda daıyndyq jumystaryn júrgizýde.

 «Dýman» oıyn-saýyq ortalyǵy janynda aýmaǵy 3,5 myń sharshy metrdi quraıtyn alańnyń muzy qatyrylyp, 3 jalǵa konkı berý núktesi ornatyldy. Bul jerde de tamaqtaný orny bar. Sonymen qatar muz aıdynynyń ortalyǵyndaǵy 4 ekran jóndelip, olardyń qasynan balalar men eresekter úshin syrǵanaýǵa arnalǵan tóbeshik jasaldy.

 «Jeruıyq» saıabaǵynda aýmaǵy 2,3 myń sharshy metrlik muz alańy jumys isteıtin bolady. Bul jerde de 2 jalǵa konkı berý núktesi men tamaqtaný orny bar.

Al elordadaǵy eń úlken muz aıdyny Aqbulaq ózeniniń ústinde bolady, onyń jalpy aýmaǵy 9000 sharshy metrdi quramaq. 6 jalǵa konkı berý núktesi men 2 tamaqtaný orny kelýshilerge qyzmet kórsetedi.

 Joǵaryda atalǵan 3 muz alańynda da ákimshilik beketter jumys isteıtin bolady. Muz aıdynyndaǵy jumystar kelesi aptanyń ishinde tolyǵymen aıaqtalady dep josparlanyp otyr.