Elordanyń ónerpaz jastary sózin Elbasy jazǵan patrıottyq ándi shyrqady
Qazaqkontsert ártisteri Elbasynyń qazaq mádenıetiniń órkendeýine qosqan zor eńbegin joǵary baǵalap, merekege oraı ózderiniń jyly lebizin uıymnyń áleýmettik jelidegi paraqshasynda jetkizdi.
Merekege oraı ózderiniń mýzykalyq sálemdemesin Qazaqkontserttiń «Astana sazy» memlekettik folklorlyq ansambli joldap bastady. Ansambl óner ujymynyń kórkemdik jetekshisi, kompozıtor Baýyrjan Aqtaevtyń «Qaıran elim» týyndysyn oryndady. Mýzykalyq beınerolıkte Elbasynyń eklıýzıvti fotolary kórinis tapqan.
Al «Astana mıýzıkl» memlekettik teatry quttyqtaýyn barshaǵa belgili «Elim meniń» áni arqyly jetkizdi. Talantty jastardyń basyn biriktirgen teatr Nursultan Ábishulynyń sózine jazylǵan bul patrıottyq týyndyny naqyshyna keltire joǵary deńgeıde oryndap shyqty. Elordalyq teatr tarıhı vıdeoarhıv arqyly beıbit kúnniń jetistigin erekshe kórsetti.
«Qazaqkontsert» uıymynyń «Halyq qazynasy» ulttyq óner bólimi Elbasymen kezdesken sátin aıtyp, erekshe esteligimen bólisti. Nursultan Ábishulynyń aq batasy men aqyl-keńesi Qazaqkontsert ártisterine rýhanı demeý bolyp, ónerdegi zor jetistikke qol jetkizýge kúsh berdi. Ánshiler Elbasyn ulttyq ónerdiń naǵyz janashyry dep atap, Tuńǵysh Prezıdenttiń aldynda óner kórsetkenderin zor mártebe sanaıtynyn jetkizdi.
Ózderiniń júrekjardy lebizderin joldaǵan ártister osylaısha jańa formatta barsha qazaqstandyqtardy merekemen quttyqtady. Merekelik ásem áýender jáne Elbasyǵa qatysty ónegeli estelikterdi «Qazaqkontsert» uıymynyń áleýmettik jelidegi paraqshasynan kórýge bolady.
