Elordanyń on myńǵa jýyq turǵyny tsıfrlyq saýattylyǵyn arttyrdy
Búginde kýrstan 9 myńnan astam tyńdaýshy ótti. Aqparattyq saýattylyǵyn kez kelgen adam jetildire alady, jasyna shekteý joq.
«Men ETsQ ne ekenin jáne úıde otyryp kommýnaldyq qyzmetti qalaı tóleý kerektigin, túrli anyqtamany kórip, qalaı shyǵaryp alýdy bilmeıtinmin. Endi osynyń bárin úıden shyqpaı-aq isteı alamyn, basqalarǵa da osy kýrstan ótýge keńes beremin, óte paıdaly», ¬- dedi zeınetker Naǵıma Orazbekova.
Dáris jańadan úırenýshilerge de, jelini úzdik paıdalanýshylarǵa da óte paıdaly. Oqý baǵdarlamasy tórt baǵytta ótkiziledi: bazalyq tsıfrlyq mashyq, elektrondy memlekettik qyzmet kórsetý, ashyq úkimet, elektrondy saýda. Tyńdaýshylardyń aqparattyq bilimin arttyrýda kompıýter men mobıldi qurylǵylar paıdalanylady.
«Negizinen bizge kóbine zeınetkerler keledi, olardyń bilýge degen yntasy zor, kózderi janyp tur. Olarǵa áleýmettik jeli de qyzyqty. Kýrs bastalǵaly bizge 400-deı adam keldi», - deıdi № 76 mektep-lıtseıdiń ınformatıka oqytýshysy Ǵalııa Qulshımanova.
Tyńdaýshylar oqýdan bir kúnde óte alady jáne sertıfıkat beriledi. Aqparattyq saýattylyqty qaladaǵy oqý oryndarynda (mektep pen kolledj), halyqty jumyspen qamtý ortalyǵynda, áleýmettik qyzmet kórsetý ortalyǵynda jáne t.b. Kýrs 3 tamyzǵa deıin sozylady.