Elordanyń on kóshe qıylysynda jol erejesin buzý oqıǵasyn tirkeıtin qurylǵy ornatyldy
ASTANA. QazAqparat - Astananyń kólikter jyldam júretin 10 magıstraldyq qıylysynda jol qozǵalysy erejelerin buzý sátterin foto men vıdeoǵa túsirý qurylǵylary ornatyldy, dep jazady qalalyq ákimdiktiń resmı saıty.
Atap aıtqanda myna kóshelerdiń qıylysynda:
- Saýran kóshesi men Dostyq kóshesi;
- Saraıshyq kóshesi men Túrkistan kóshesi;
- Orynbor kóshesi men Kereı jáne Jánibek handar kóshesi;
- Almaty kóshesi men Qabanbaı batyr kóshesi;
- Turan jáne Qonaev kóshesi;
- Qabanbaı batyr dańǵyly men Kereı jáne Jánibek handar kóshesi;
- Kúmisbekov kóshesi men Seıfýllın kóshesi;
- Pýshkın kóshesi men Abaı dańǵyly;
- Kenesary kóshesi men Respýblıka dańǵyly;
- Jumabaev kóshesi men Arshyn kóshesi (Aınakól) jol erejesiniń saqtalýyn qadaǵalaıtyn qurylǵylar jumys isteıdi.
Astana qalasynyń ІІD Ákimshilik polıtsııa basqarmasynyń habarlaýynsha, jol qaýipsizdigin baqylaý salasyndaǵy osy tehnologııalar «Astana qalasynyń tirshilik áreketin keshendi qamtamasyz etý júıesi» jobasyn júzege asyrý aıasynda qarastyrylǵan.
Ótken aptanyń qorytyndysy boıynsha foto men beınege túsirý júıesimen 400-ge jýyq buzýshylyq (jyldamdyqty shamadan tys arttyrý, baǵdarshamnyń qyzyl shamyna ótý jáne toqtaý syzyǵynan asyp toqtaý) anyqtaldy.
Jalpy, 2017 jylǵa deıin jol qozǵalysy erejelerin buzý jaǵdaılaryn foto men beınege túsirý júıesi 350 qıylysqa ornatylmaq.
