Elordanyń «Nurbesik» kópfýnktsııaly turǵyn úı kesheninde Astana kúni atap ótildi
ASTANA. 9 shilde. QazAqparat - Astananyń 15 jyldyq mereıtoıyna baılanysty oralmandardyń «Asar» respýblıkalyq qoǵamdyq birlestigi «Elorda - Astanam, maqtanyshym - bas qalam» atty merekelik shara uıymdastyrdy.
Shara elordadaǵy Kóktal kentinde boı kóterip kele jatqan Nurbesik turǵyn úı kesheni aýmaǵynda ótkizildi.
Aldymen turǵyndar 30 gektar aýmaqty qamtıtyn turǵyn úı kesheninde salynatyn meshittiń aýmaǵyna qazyq qaǵyp, aqsarbas shaldy. Qazaqstan musylmandary dinı basqarmasynyń ókili Altynbek Utysqan quran baǵyshtap, duǵa-tilekter aıtyldy. Jıynda oralmandardyń «Asar» qoǵamdyq birlestiginiń tóraǵasy Qaırat Bodaýhan men Kóktal turǵyn aýmaǵynyń bas ınspektory Ádilhan Joldasbaev jıylǵandardy mereıli merekemen quttyqtady.
Іs-sharaǵa arnaıy shaqyrtylǵan Q.Qýanyshbaev atyndaǵy Memlekettik akademııalyq qazaq mýzykalyq drama teatrynyń ártisteri Qasymhan Buǵybaı, «Shabyt» festıvaliniń laýreaty Gaýhar Júsipova, «Nomad» folklorlyq-etnografııalyq ansambli, sondaı-aq atalmysh keshen turǵyndary óner kórsetti.
