Elordanyń mektep janyndaǵy lagerleri jazǵy demalysqa daıyndalýda
ASTANA. 6 maýsym. QazAqparat - Jazǵy demalysta oqýshylardyń ýaqyty bosqa ketpeýi úshin Astananyń mektep janyndaǵy lagerleri daıyndyqty qazirden bastap ketti.
Bul týraly Astana qalasy TJD-ne sileteme jasap astana. kz saıtynan habarlady.
Aǵymdaǵy jyldyń 27-30 mamyr aralyǵynda Memlekettik órt qadaǵalaý basqarmasy men Astana qalasy TJD-niń sýdan qutqarý qyzmeti, Bilim basqarmasy ókilderi jáne ózge de qala mekemeleri mektep janyndaǵy jazǵy lagerlerdiń kúndizgi aýysymyna qabyldaýǵa qatysty.
Komıssııalyq tekseris nátıjesinde mektep janyndaǵy lagerler 2013 jyldyń jazǵy demalys maýsymyna bala qabyldap, demalystyń qyzyqty ári paıdaly ótýine daıyn ekendigi anyqtaldy. Sondaı-aq, baspasóz qyzmeti bolmashy kedergilerge dereý shara qoldanylǵandyǵyn basa aıtqan.
Búginde barlyq mektepterde órtke qarsy jáne sýdaǵy qaýipsizdik sharalary jóninde arnaıy oryndar bar. Al, ádistemelik materıaldar sáýir aıynda Bilim basqarmasy ótkizgen «Jazǵy demalysty uıymdastyrý, saýyqtyrý jáne balalar men jasóspirimderdiń bos ýaqytyn qamtamasyz etý» atty jalpyqalalyq semınarynda usynylǵan bolatyn.
Tekserý nátıjesinen keıin shara qoldanylatyn aqparattar Astana qalasy Bilim basqarmasy men Astana qalasy ákimdigine jiberildi.
