Elordanyń «Qyzyljar» beketinde ózbekstandyq 72 jolaýshysy bar avtobýs ustaldy
ASTANA. Mamyrdyń 27-si. QazAqparat - Elordalyq jol polıtseıleri «Qyzyljar» beketinde ózbekstandyq 72 jolaýshysy bar avtobýsty toqtatqan.
Bul týraly Astana qalalyq ІІD memlekettik til jáne aqparat bóliminen habarlady.
Júrgizýshi kóliktiń tehnıkalyq sıpattamasynda 49 orynǵa shaqtalǵany kórsetilgenine qaramastan, 25 adamdy artyq tasymaldap kele jatqan.
«Jolaýshylardyń aıtýynsha, barlyq 72 adam Saryaǵash qalasynan shyǵyp, Petropavl qalasy arqyly Reseıge ótpek bolǵan. Alaıda avtobýs júrgizýshisi, qazaqstandyq azamat 20 adamnyń Osakarovka eldi mekeni aýmaǵynda avtobýstary buzylǵandyqtan kóligine otyrǵyzýǵa týra kelgendigin alǵa tartady», delingen baspasóz habarlamasynda.
Sonymen qatar avtobýstaǵy 45 jolaýshynyń Qazaqstan Respýblıkasyna sheteldik azamattardyń kelý erejesin buzǵandyǵy da anyqtalyp otyr.
Júrgizýshige qatysty tasymaldaý erejesin buzǵany úshin Ákimshilik kodekstiń 463 baby boıynsha hattama toltyrylǵan. Júrgizýshi men onyń jolaýshylary Astana qalalyq kóshi-qon polıtsııasyna jetkizilgen. Tergeý amaldary júrgizilýde.
