Elordanyń qyzmetter ortalyǵy Ashyq-qa qosyldy

NUR-SULTAN. QazAqparat - 8 shildeden bastap iQala qalalyq qyzmetter ortalyǵy Ashyq qosymshasy boıynsha jumys isteıdi, dep habarlaıdy QazAqparat «Astana» áleýmettik-kásipkerlik korporatsııanyń baspasóz qyzmetine silteme jasap.

«Ashyq mobıldi qosymshasy QR kodty paıdalaný jáne densaýlyq saqtaý mınıstrliginiń jalpy derekqorymen birlesý arqyly kelýshiniń mártebesin anyqtaýǵa múmkindik beredi.

Klıenttiń mártebesin JSN arqyly da tekserýge bolady. Ol úshin JSN/BSN nómirin resepshindegi ortalyq qyzmetkerine aıtý jetkilikti», delingen habarlamada.

Esterińizge sala keteıik, iQala Qalalyq qyzmetter ortalyǵynyń qyzmetterin onlaın rejımde iqala.kz portaly arqyly alýǵa bolady.