Elordanyń qyzmet kórsetý ortalyqtary jyl basynan 100 myńnan astam ótinish qabyldady

NUR-SULTAN. QazAqparat - 2021 jyldyń basynan bastap Nur-Sultandaǵy Turǵyn úı ortalyǵyna, «Januıa» jáne iQala ortalyqtaryna turǵyn úı jáne tólemder men oqý máselesi boıynsha suraqtarmen 100 myńnan astam azamat júgindi, dep habarlaıdy QazAqparat qala ákimdiginiń resmı saıtyna silteme jasap.

Jyl basynan beri Nur-Sultan qalasy ákimdiginiń «Januıa» otbasy ınstıtýtyn qoldaý ortalyǵyna 32 myń suraqpen 36 myńnan astam adam júgindi. Onyń jartysy ataýly áleýmettik kómekke qatysty boldy. Sondaı-aq, turǵyndardy negizinen áleýmettik qyzmetter portalynyń jumysy (12 744 ótinish), turǵyn úı, jumysqa ornalasý, densaýlyq saqtaý, «Kásipker ana», «Bastaý» jobalary, bıznes jáne mıkrokredıt berý, otbasyn áleýmettik qoldaý jáne taǵy basqa máseleler qyzyqtyrady.

Suraqtardyń bárine júıeli keńester berilip, olardy sheshý úshin sharalar qabyldandy.

Kún saıyn 300-den astam adam Nur-Sultan qalasy ákimdiginiń «Turǵyn úı qory» KMM qyzmetkerlerinen keńes alady.

Internet-resýrstarda Turǵyn úı ortalyǵynyń qyzmeti týraly mańyzdy aqparat tolyǵymen jarııalanady. Azamattar tıisti keńesti zhilfond Nur-Sultan mobıldi qosymshasy; zhilfond.kz (onlaın keńes berý, dırektordyń blogyna júginý), zhil-astana.kz saıty, upravlenie.zhilya, zhilfond_nursultan – Instagram; Nur-Sultan qalasynyń Turǵyn úı qory – Facebook arqyly ortalyqqa barmaı-aq, onlaın ala alady.
Aıta ketý kerek, elorda turǵyndarynyń iQala ortalyǵynyń qyzmetine de suranysy artýda. 2021 jyldyń basynan beri ortalyq qyzmetkerleri 87 myń qyzmet kórsetti.

iQala qalalyq qyzmetter ortalyǵy Nur-Sultan qalasynyń kommýnaldyq qyzmetterin ortalyqtyń front-oflaın formatynda, sondaı-aq www.iqala.kz saıty arqyly onlaın usynady.

Servısti tsıfrlandyrýdyń arqasynda portaldyń kómegimen qyzmetterdi alýdyń tanymaldylyǵy qarqyn ala bastady. Eń jıi túsetin ótinishter – elektrmen jabdyqtaý, jylýmen jabdyqtaý, qatty turmystyq qaldyqtardy shyǵarý, sýmen jabdyqtaý jáne sý burýǵa arnalǵan sharttar jasasý boıynsha.

Qajetti qyzmetterdi alý úshin www.iqala.kz portaly arqyly aptanyń kez kelgen kúninde táýlik boıy ótinish berýge bolady. Ol úshin portalda ETsQ arqyly tirkelý, sodan keıin qajetti uıymdy, budan ári – qajetti qyzmetti tańdaý qajet. Ótinishterdi óńdeý merzimi reglamenttelgen. Klıent ótinishiniń daıyndyǵy týraly uıaly telefon nómirine SMS-habarlama jiberiledi.

Qyzmetterdi alý úshin astanalyqtar «bir tereze» qaǵıdaty boıynsha jumys isteıtin front-keńsege de júgine alady. ıAǵnı elorda turǵyndary men kásipkerlerine qyzmet alý úshin árbir kommýnaldyq qyzmetke jeke barýdyń qajeti joq. Endi barlyq qalalyq kommýnaldyq qyzmettermen kelisim jasasý úshin «bir terezege» barý jetkilikti.

Búginde iQala elorda turǵyndaryna turǵyn úı-kommýnaldyq sektorynyń 152 qyzmet túrin kórsetedi. Ortalyqtyń aldaǵy josparynda monopolısterdiń barlyq qyzmetin tsıfrlandyrý, tsıfrlandyrylǵan servıster tizimin keńeıtý, qyzmet kórsetý úshin bıznes-protsesterdi avtomattandyrý jáne qala turǵyndaryna qyzmet kórsetý sapasyn arttyrý máselesi tur.

Esterińizge sala keteıik, iQala qalalyq qyzmetter ortalyǵy elorda ákimdiginiń bastamasymen jáne QR Sybaılas jemqorlyqqa qarsy is-qımyl agenttiginiń qoldaýymen «Astana – adaldyq alańy» jobasy aıasynda quryldy. Onyń jumysyn «Astana» ÁKK» AQ júzege asyrady.