Elordanyń kóshelerinde qylmys sany azaıǵan
ASTANA. QazAqparat - EKSPO-2017 kórmesin ótkizý kezeńinde ýchaskelik polıtsııa ınspektorlarymen eseptegi kontıngentti, qarý ıelerin tekserýmen aýlalar men páterlerdi aralaý, beıáleýmettik baǵyttaǵy tulǵalarly anyqtaý jumystary kúsheıtildi, dep habarlaıdy ákimdiktiń baspasóz qyzmeti.
Osy is-sharany ótkizýge qosymsha kúshter, quqyq qorǵaý, memlekettik organdar men jurtshylyq tartyldy. Nátıjesinde qylmystar sanynyń kóshelerde 19%-ǵa jáne qoǵamdyq oryndarda - 2,2% tómendeýi baıqalady.
Búgin EKSPO-2017 Halyqaralyq mamandandyrylǵan kórmeni ótkizý kezeńinde Elordamyzdaǵy qaýipsizdik pen quqyqtyq tártipte qamtamasyz etý taqyrybyna arnalǵan baspasóz-konferentsııasynda Astana qalasynyń jergilikti polıtsııa qyzmetiniń bastyǵy Bahytjan Malybaev atap ótkendeı, astanada kórmeni ótkizý ýaqytynda qoǵamdyq tártipti qorǵaýǵa barlyǵy kúsh qurylymdarynyń 9 myńǵa jýyq qyzmetkerleri tartyldy. 4 myńnan astam qyzmetkerler kórme aýmaǵynda tikeleı jumys istedi. Azamattardyń demalym jáne jappaı kelý oryndarynda qaýipsizdik júıesin qosymsha kúsheıtýmen qoǵamdyq qaýipsizdik sharalary qabyldandy.
- Kórme aýmaǵyndaǵy qoǵamdyq tártipti qorǵaýdy kúsh qurylymdarynyń shamamen 4 myń qyzmetkerleri qamtamasyz etti, olarǵa polıtsııa qyzmetkerleri, ІІM Ulttyq gvardııanyń, Qorǵanys mınıstrliginiń áskerı qyzmetshileri jáne QR arnaıy qyzmetiniń qyzmetkerleri, QR ІІM oqý oryndarynyń 500 astam kýrsanttary men ofıtserleri, TJ Departamentiniń qyzmetkerleri, jeke kúzet uıymdarynyń shamamen 900 qyzmetkerleri men 200 eriktiler, - dep atap ótti Bahytjan Malybaev.
- Elordadaǵy árbir mádenı-buqaralyq, sport jáne qoǵamdyq-saıası is-shara QR ІІM men ІІD muqııat nazarynda tabylady. Jalpy EKSPO-2017 ótkizý kezeńinde qaýipsizdik pen quqyqtyq tártipti tıisti qamtamasyz etý boıynsha barlyq máseleler týyndaǵan máselelerdi ýaqytyly sheshý boıynsha uıymdastyrýshylyq-tájirıbelik sharalar qabyldanatyn HKK eksperttik jumys tobynyń aptalyq otyrysy sheńberinde sheshildi, - dep qosty spıker.
Bahytjan Malybaev atap ótkendeı, halyqaralyq deńgeıde is-shara ótkizý ýaqytynda zamanaýı qaýip-qaterler men táýekelder eskerildi.
- Biz qoǵamdyq qaýipsizdiktiń zamanaýı júıesin qurdyq. Ozyq tájirıbe men jańa tehnologııalardy qoldandyq. Azamattardyń jappaı jınalatyn basqa nysandarynda da vıdeobaqylaý júıesiniń jelileri keńeıtildi. Kórmeniń kiretin jerindegi toptarda tulǵalardy anyqtaýmen, sondaı-aq quqyq qorǵaý organdarynyń derekter qoryn paıdalanýmen kelýshilerdi belgileýmen vıdeoanalıtık júıeleri qoldanyldy. Kúsh qurylymdary ózara áreket etý boıynsha baǵa jetpes tájirıbe aldy. Jańa mamandar, mysaly, profaıler paıda boldy. Bular is-áreketi, qımyldary men sózderi boıynsha kúdikti tulǵalardy anyqtaıtyndar. EKSPO-2017 ýaqytynda qandaıda bir iri standartty emes jáne shtattan tys jaǵdaılar tirkelmedi, - dep ol basa aıtty.
