Elordanyń kommýnaldyq qyzmetteri nóser saldaryn joıý jumystaryn júrgizip jatyr
ASTANA. QazAqparat - Astananyń kommýnaldyq qyzmetteri nóserdiń saldaryn jedel túrde joıý ústinde. Bul jaıly elorda ákiminiń baspasóz hatshysy Elvıra Júrgenbaeva óziniń Feısbýk paraqshasynda jazdy, dep habarlaıdy QazAqparat tilshisi.
Elvıra Júrgenbaeva habarlaǵandaı, qalanyń kommýnaldyq qyzmetteri qazirgi ýaqytta jumystaryn kúsheıtilgen tártipte júrgizip jatyr.
«Elorda kóshelerinde barlyǵy úılesimdi túrde mamandandyrylǵan 10 arnaıy tehnıka nóserdiń saldaryn joıýda. Naqtyraq aıtqanda, «Esil» aýdanyna tehnıkalardyń 41-i, «Baıqońyr» aýdanyna 21-i, «Almaty» aýdanyna 26-y, «Saryarqa» aýdanyna 14-i jumyldyrylǵan», - delingen habarlamada.
Kommýnaldyq qyzmetterdiń ókilderi ýáde berip otyrǵandaı, qatty nóserdiń saldary jaýyn qaıta bastalmaǵan jaǵdaıda eki saǵattyń ishinde retke keltirilmek.
«Qala turǵyndaryna joldardaǵy tehnıkalarǵa túsinistikpen qarap, marshrýtty aldyn ala josparlap alýlaryn suraımyz», - deıdi Elvıra Júrgenbaeva.
