Elordanyń kommýnaldyq qyzmetteri kúsheıtilgen jumys rejımine kóshti
ASTANA. QazAqparat - Qarashanyń 12-si men 14-i aralyǵynda qalada 21 mm-den asa jaýyn-shashyn tústi. Qalanyń kommýnaldyq qyzmetteri kúsheıtilgen jumys rejımine kóshirildi, dep habarlaıdy QazAqparat astana.gov.kz saıtyna silteme jasap.
«Astana Tazalyq» JShS málimetterine sáıkes, búgin saǵat 8.00-de qar jınaý jumystaryna 369 arnaıy tehnıka tartyldy. Qalany sanıtarlyq tazalaý jumystaryna 363 jol jumyskeri jumyldyryldy. 2 746,00 m3 qum-tuz qospasy sebildi.
Sınoptıkterdiń boljamyna sáıkes, búgin Astanada qar jaýady, kóshpeli bult shyǵady. Kúndiz aýa temperatýrasy -13...-15 S.
Erteń, 15 qarashada kóshpeli bult shyǵady, jaýyn-shashyn bolmaıdy. Soltústik-batystan 9-14 m/s jyldamdyqpen jel soǵady. Kúndiz aýa temperatýrasy 21...-23 S, túnde 26 S deıin tómendeıdi. Eń tómen temperatýra 16 qarashada kútilýde. Kúndiz -23S, túnde -31 S deıin tómendeıdi.
