Elordanyń Kóktal-1 yqshamaýdanynda kisi óltirgen kúdikti qolǵa tústi
NUR-SULTAN. QazAqparat – Keshe keshki 21.00 shamasynda «102» arnasyna Kóktal-1 yqshamaýdanynda avtokólik salonynda er adamnyń máıiti anyqtalǵany týraly habarlama túsken, dep habarlaıdy QazAqparat Nur-Sultan qalasynyń Polıtsııa departamentiniń baspasóz qymetine silteme jasap.
Kóp uzamaı qaladaǵy polıtsııa bólimsheleriniń bárine qylmysqa kúdikti adamnyń beınesi men sýreti jiberildi. Elordada «Ustaý» jospary jarııalandy.
Qaraǵandy tasjolynda jedel top pen patrýldik polıtsııa qyzmetkerleri kúdiktini izin sýytpaı qolǵa túsirdi. Taksı salonynda otyrǵan kúdiktini kólikter ótip jatqan jol ortasynda ustaǵan. Qylmyskerdi qolǵa túsirý úshin polıtseıler jol júrip bara jatqan kólikterdiń barlyǵyn toqtatyp, ár kólikti jeke tekserýge májbúr bolǵan.
Tekserý barysynda odan báki tabyldy. Osy qarýmen ol mert bolǵan adamdy pyshaqtaǵan. Er adamdar arasynda janjal bolyp, qolǵa túsirilgen qylmysker zardap shegýshiniń ishine jáne júrek tusyna birneshe jerden pyshaq suqqan.
Qolǵa túsirilgen 29 jastaǵy Shyǵys Qazaqstan oblysynyń turǵyny qylmysyn tolyq moıyndady. Osy fakt boıynsha QR QK 99-baby (Adam óltirý) boıynsha sotqa deıingi tergeý bastaldy. Qazirgi ýaqytta kúdikti ýaqytsha qamaý ızolıatorynda jatyr.
