Elordanyń qoǵamdyq kólikterinde Ashyq júıesi engizile me
NUR-SULTAN. QazAqparat – Nur-Sultan qalasynyń qoǵamdyq kólikteri Ashyq júıesimen jumys isteýi múmkin be? Bul suraqqa CTS (City Transportation Systems) JShS-niń basqarma tóraǵasy Bekmyrza Igenberdınov jaýap berdi, dep habarlaıdy QazAqparat tilshisi.
«Qoǵamdyq kólik qyzmetine Ashyq júıesin engizý respýblıkalyq deńgeıdegi másele dep oılaımyn, sebebi ony engizý qıynǵa soǵady. Eger sanaýly sekýndtyń ishinde júzege assa, onda engizýge bolady. Mysaly, bir jolaýshynyń Ashyq júıesi jasyl tústi kórsetem degenshe qalǵan jolaýshylar kútip turady. Sondyqtan júıeni iske qosýdyń ońtaıly ádisi jasalsa, qoǵamdyq kólikterde Ashyq-ty engizý jaǵyn qarastyrýǵa bolady», - Bekmyrza Igenberdınov tilshilerdiń suraǵyna jaýap bere turyp.
Buǵan deıin habarlaǵanymyzdaı, Nur-Sultan qalasynda qoǵamdyq kólik aqysyn tóleýdiń jańa júıesi engiziledi.
Sondaı-aq, elordada qoǵamdyq kólik aqysyn tólemeı júretin jolaýshylardyń úlesi týraly aıtyldy.
Aıta keteıik, elordada qoǵamdyq kólik aqysyn tóleý kólik kartasy jáne smartfonnyń kómegimen QR-kodty skanerleý arqyly júzege asyrylady. Búginde Astanada avtobýstyń quny 90 teńge turady.
